მელაპარაკება რადიო თავისუფლება (პრაღიდან)

ბოლო 2-3 კვირაა რადიო თავისუფლებაზე შევჯექი, დილისა და ღამის გადაცემებს აღარ ვმაზავ ♥ ადრეც კი ვუსმენდი-ხოლმე, მაგრამ მხოლოდ სოფელში ყოფნისას.
ხოდა, სანამ 4 წელი არ გავა და გასხვისებულ ანძას არ “დააბრუნებენ” Y*ეზე ვიკიდებ:

  • ტრ**შიპერო ჟურნალისტებს;
  • ინფორმაციას ჟურნალისტისგან, რომ რომელიღაც სირმა ფეისბუქი გამოიყენა და სოციალური ქსელები მოდაშია;
  • ინფორმაციას, რომ მალე ვირუსით მთლიანი საქართველო ამოწყდება;
  • ახალ ამბავს გრიპით გარდაცვლილი ადამიანის შესახებ, სადღაც მომხდარი ავარიის შესახებ რომლის დროსაც მძღოლი ადგილზე მოკვდა. + ინტერვიუს მკვდარი მძღოლის მეზობლებთან: “ისეთი კარგი ბიჭი იყო, მისგან ცუდი არავის ახსოვს, ნეტა რა მოუვიდა”;
  • პრეზიდენტის უპრაგუნო გამოსვლებს;
  • სახელმწიფო მოხელეებთან ისეთ ინტერვიუებს (ანუ ჩინოსნის ყველა ინტერვიუს), სადაც ზოგად თემებზე საუბრობენ და სიტყვებით გვიხაზავენ, რომ საქართველოს დიდი პოტენციალი აქვს და რომ სახელმწიფოს განვითარება მნიშვნელოვანია სახელმწიფოს განვითარებისთვის. ქართველმა სპორტსმენმა რომ მსოფლიო ჩემპიონატი მოიგოს, მომზადებულ 5 წუთიან სიუჟეტში 3 წუთს სპორტის მინისტრს დაუთმობენ, 2 წუთს პრეზიდენტს, მთავარ გმირს კი – დაიკიდებენ.
  • ბათუმის ივენთებს;
  • დოის, სოფოს, ნინოს, ნიკას, თამრიკოს…
  • ფაქტების არასაინტერესო (და ხშირად მცდარ) მხარეებს. მაგალითად, ინგლისის არეულობის დროს ტელევიზიის მთავარი საინფორმაციო ტონი იყო: ლონდონის ქუჩებში 16000 პოლიციელია მობილიზებული, დაღუპულია x და დაკავებულია y ადამიანი. გამოიყვანს თუ არა პრემიერმინისტრი ხალხის წინააღმდეგ საჯარისო საბრძოლო დანაყოფებს??!!!!!! (პათოსი: აესე არბევენ დემოკრატიულ ინგლისში ხალხს, დედას უტ&*$^%ნ! ).
    რადიო თავისუფლებაში კი ეს ამბები ობიექტურად, მშვიდად, გაუმძაფრებლად და ანალიტიკური, საღი მსჯელობით შუქდებოდა.

რადიო თავისუფლება Continue reading

Advertisements

უცხოპლანეტელები ხევსურეთში არ ისვენებდნენ

ხევსურეთსა  და თუშეთში აღმოჩენილია უძველესი პიქტოგრამები. მასზე კვლევა ქართველმა დოქტორმა, გიზო ვაშაკიძემ ჩაატარა და ივარაუდა, რომ ნაპოვნი სიმბოლოები უცხო (მზის სისტემის მეხუთე) პლანეტასთანაა კავშირში, იქიდან ჩამოსულმა უცხოპლანეტელებმა კი დედამიწელებს დიდი ტექნოლოგიური ცოდნა დაუტოვეს:

ისინი ფლობდნენ საფრენ აპარატებს, ხელოვნურ თანამგზავრებს, ტელე და რადიო ტექნოლოგიებს, მძლავრ იარაღებს (!) და ამ ყველაფრის შესახებ ინფორმაცია მათ დედამიწაზე ყველაზე გამძლე მასალაზე – ქვებზე დატოვეს.

მაშ ასე, თქვენს წინაშეა უძველესი პიქტოგრამები (გამოყენებულია ლაშა სუხიშვილის ფოტოები):

პიქტოგრამა #1

პირველ სურათზე ადამიანი როგორ ხატია არ ვიცი, მაგრამ მეორეზე აშკარად მონადირეა: მარცხენა ხელში ბუმერანგით, მარჯვენაში ხოკეის ჯოხის მსგავსი კომბლით (დაახლოებთ მაინც :D)


Continue reading

დამაჯარიმეს

ერთ მშვენიერ საღამოს, როცა ჭიკჭიკისგან დაღლილი ჩიტები ბუდისკენ მისავათებულები მიფრინავდნენ, როცა ცხრათითა ჯოს თავისი მსხვერპლის გვამი დამარხულიც არ ჰქონდა (ბოლომდე), როცა მთვარე ნახშირის უთოთი პერანგს იუთავებდა სამსახურში გასასვლელად და როცა მზეს თავისი ცვლა ახლახანს დამთავრებოდა – სახლიდან თავქუდმოგლეჯილი გავვარდი, რეპეტიციაზე მაგვიანდებოდა.

თბილისის ავტობუსი

ავტობუსი

Continue reading

წერის “ჯაან ჩაკალელი” მანერები

ჯინეტის ზრდასთან ერთად სულ უფრო და უფრო მრავალფეროვანი ხდება წერის მანერათა პალიტრა. უზერები წერის მანერით ცდილობენ ხაზი გაუსვან თავიანთ სტილს, მაგრამ სინამდვილეში რას აღწევენ ამით ძნელი სათქმელია.

ყველაზე თვალშისაცემი მემბერი forum.ge-ელი  PINKY-ა, რომლის წერის მანერას თითქმის ყველა ფორუმელი კარგად იცნობს – ვარდისფერი ფონტით დაწერილი ქწერტყ ტყპე ტეხტ. არსებობს ასევე აპრობირებული და ფართოდ დანერგილი სტილები, მაგალითად:
Continue reading

რა არის შენსკენ ახალი?

ჩემთვის პირადად ძალიან აქტუალურია მისალმების ფორმები. ხშირად ვაკვირდები-ხოლმე ადამიანებს მოსალმებისას და ბევრ რამეს ვუმუღამებ. ერთ ტრაფარეტულ კერძო შემთხვევას ლანდიშამაც გაჰკრა თავის ბლოგში.

handshake

ხელის ჩამორთმევა

განსაკუთრებულად გამოვყოფ საუბარშიდა ფრაზას – “რა არის შენსკენ ახალი?“. რეალურად გიფიქრიათ ოდესმე რა არის თქვენსკენ ახალი? პრინციპში, ყოველი დღე ახალია, ყოველდღე ახალ ინფორმაციას იგებ, ახალს ეცნობი… ახალ დებილობას აკეთებ მეგობართან ერთად, ახალი აზრები მოგდის თავში. რა გინდა რომ უპასუხო? გუშინ როგორ წაიკითხე სტატია მაჩვზღარბების გამრავლებაზე თუ შენმა დეიდაშვილის ქვისლმა როგორ გაიკეთა ნაღვლის ბუშტის ოპერაცია?

Continue reading

მძღოლის ფენომენი

რა შეუძლიათ სამარშუტო ტაქსების ერთი შეხედვით ჩვეულებრივ, საშუალო ან დაბალი სოციალური ფენის წარმომადგენელ, უწინარ მძღოლებს?

სამარშუტო ტაქსის მძღოლი

სამარშუტო ტაქსის მძღოლი

ვიმგზავრე, ვუსმინე, ვიმგზავრე, კიდევ ვუსმინე, მერე კიდევ ვიმგზავრე და დავასკვენი: ყველა რეგიონული (“თბილისი” – “თბილისგარეთ რამე” [ანუ თბილისის შიდა ტრანსპორტი არ იგულისხმება]) “მარშუტკის” მძღოლი მოსყიდულია!

Continue reading

გადვიდე wordpress.com-ზე?

კაი ხანია ამ კითხვით ვარ შეპყრობილი.

დიდი შანსია რომ blog.ge ადრე თუ გვიან გარდაიცვალოს, რადგან:

1. ყველა მაინც ვორდპრესზე და ბლოგსპოტზე გარბის. უბრალოდ კონკურენციას ვერ გაუძლებს.

2. ვერ ვხვდები რითი არსებობს blog.ge, საიდან შესდით ფული და რა გარანტია მაქვს რომ არ გაკოტრდება.

3. იეჰოვა ვორდპრესის მხარესაა.

ერთ დღეს რომ გავიღვიძო და აღარ დამხვდეს ადგილზე, ჩემი ყველა პოსტი ქარს ჰქონდეს წაღებული – ხომ გავჭაღარავდები მომენტალურად? მინდა ეგ მე?

მეორეს მხრივ, რაღაც “ეროვნულ” მომენტს აქვს ადგილი, ალბათ კარგი იქნება გამართულმა ქართულმა ბლოგ სისტემამ იარსებობს (ალბათ), ჩემი გადასვლით ერთი აგური გამოეცლება მთლიან შენობას.

გამოვიძახო თუ არა 25-60-60?

ჰოი არტალა, მირჩიე რამე!