მიმართვა თბილისის მერს!

რამდენიმე კვირის წინ ფორუმზე თემა გავხსენი “მიმართვა თბილისის მერს” და აღმოვაჩინე, ბევრი ფიქრობდა ჩემნაირად.

თბილისის მერია

თბილისის მერია

არ მივკიბ-მოვკიბავ და პირდაპირ ჩამოვწერ ყველაზე აქტუალურ პრობლემებს:

  • გარემოვაჭრეებისგან და ბომჟებისგან გაიწმინდოს მარჯანიშვილის მიმდებარე ტერიტორია და ბუკიას ბაღი! ტრუსიკების, ლიფებისა და შებოლილი თევზების გასაყიდად არსებობს მაღაზიები, წესივრად ვერ გაგვივლია ქუჩაში.
  • სამარშუტო ტაქსებს დაუწესდეს სტანდარტები, რომ თითოეული მანქანა იყოს კომფორტული და უსაფრთხო (შეიძლება ხაზების პრივატიზაციაც, ტენდერი და რამე…). მინდა სადაც მივდივარ – ცოცხალმა მივაღწიო.
  • დაუბრუნეთ ტროტუარი ფეხითმოსიარულეებს! როგორ შეიძლება ტროტუარზე იყოს პარკინგი მოწყობილი? ზოგმა ადამიანმა ჯერ კიდევ არ იცის ფრენა და პატივი ვცეთ მათ. დაე ბორდიულზე გაჩერებული ყოველი მანქანა თავზე დააჭეჭყონ მძღოლს 🙂 და აქვე:
  • გაამკაცროს პატრულმა მუშაობა, აამუშავეთ ეს ქუჩაში დაყენებული კამერები, ოდნავადაც გადაკვეთა შუქნიშანთან გავლებული ამკრძალავი ზოლი (ბევრჯერ კინაღამ დამარტყეს როცა წითელზე გადავდიოდი აჭარასთან) დასაჯეთ ყველა და გადააახდევიეთ ჯარიმა, მეც მძღოლი ვარ და არც ფული მაქვს თავზესაყრელი მაგრამ მადლობას გეტყვით ესეთ დარღვევაზე თუ დამაჯარიმებთ, ოდნავ ნასვამზე პატრულმა 150 ლარიანი ჯარიმა გამომიწერა, ამაზე კარგი ჩემ ქვეყანას ჩემთვის ჯერ არაფერი გაუკეთებია, მადლიერი ვარ, რომ დამაჯარიმეს.
  • აიკრძალოს სპეციალურად გამოყოფილი ადგილების გარდა პლაკატებისა და განცხადებების გამოკვრა, რას დაემსგავსა თბილისი, განსაკუთრებით ამ არჩევნების შემდეგ vik.gif ყველგან რაღაცაა მიკრული, დედა აღარ ჰყავს ქალაქს! მკაცრად დაისაჯონ ქალაქის დამბინძურებლები!
  • გაამკაცრეთ ნაგავის დაყრაზე ჯარიმა, ყოველ ფეხინაბიჯზე ნაგვის ურნებია, ხალხი მაინც ხის ძირში დებს ნაგვის პარკს, ამათ ეხლა ელეპარაკე კულტურაზე და მორალზე, ამათ უნდა მათრახი და დიდი ჯარიმები, ჯარიმები უნდა იყოს მანქანიდან სიგარეტის კოლოფის გადაგდებაზე, ცარიელი ლუდის ქილის გადაგდებაზე და ა.შ.
  • მიხედეთ მიწისქვეშა გადასასვლელებს და სკვერებს. ტუალეტადაა ლამის ყველაფერი ქცეული. ან დამონტაჟებული კამერები აამუშავეთ და დაიჭირეთ ასეთი მამაძაღლები, ან ტუალეტები ჩადგით ქალაქში.

Continue reading

Advertisements