დეტალები და რუკა, თუ სად შენდება სასტუმრო ვაკის პარკში

იმ ნაკვეთის საკადასტრო კოდი, სადაც სასტუმროს აშენებენ არის ეს: 01.14.10.002.006

ნაკვეთის გასხვისება-გამოსხვისების დეტალები შეგიძლიათ მოძებნოთ ამ კოდით ამ ლინკზე.

მანდ ნახავთ ორგანიზაციებს, რომელთა დეტალებსაც მოძებნით იურიდიულ პირთა რეესტრში.

ბევრი ვიწვალე, ვნახე საკადასტრო რუკა, UTM ფორმატის კოორდინატებით ეგ ადგილი ვიპოვნე იმავე ფორმატის რუკაზე, მერე კიდევ ვიქექიალე ცოტა და მივიღე ზუსტად ის ადგილი, სადაც სასტუმროს აშენებას აპირებენ (მასშტაბი და კოორდინატები დაცულია აბსოლუტური სიზუსტით):

სასტუმრო ვაკის პარკში

ჩემს მოსაზრებას რაც შეეხება:

არ მინდა ქალაქის ცენტრალურ, ყველაზე პოპულარულ და საყვარელ პარკში ვიღაც დებილმა (ვიცნობ და ვიცი რომ დებილია) ფულის საშოვნელად ააშენოს იდიოტობა სასტუმრო მხოლოდ იმიტომ, რომ ვიღაცის ნათესავია. რომც არ იყოს ნათესავი და სასტუმროსაც ჭკვიანი ტიპი აშენებდეს, მაინც დაუშვებელია ქალაქის ცენტრალურ პარკში სასტუმროს აშენება.

ატრაქციონი, სპორტული კორტი ან საზოგადოებისთვის სასარგებლო სხვა რამე შეიძლება, მაგრამ მთავარი პარკის ცენტრში ვიღაც ბიზნესმენი სასტუმროს რომ ააშენებს, თან ერთ ხეს მაინც მოჭრის, ტრაგედიაა. დაუშვებელია. რა, არა?

Advertisements

კოცნის საერთაშორისო დღე 6/VII

6 ივლისი კოცნის საერთაშორისო დღეა! ეს “დღესასწაული” გაერთიანებულ სამეფოში დააწესეს და მისი მთავარი იდეაა – ქაოსურად აწეწილ სამყაროში ადამიანებმა ცოტაოდენი სიამოვნება მაინც მიიღონ. შანსი ეძლევათ ერთ დღეს აკოცონ იმათ, ვისზეც სიზმარშიც კი ვერ იოცნებებდნენ.

კოცნა

ნუ მოგერიდებათ, დადექით და კოცნეთ ერთმანეთი, კომპლექსები წლის დანარჩენი 364 დღისათვის შეინახეთ. თუ რომელიმე მოხუცი კითხულობს ამ პოსტს, ვთხოვ დღეს მაინც ნუ გათათხავთ ბედნიერ ადამიანებს, ვაცალოთ 😀 მერე რა, რომ თქვენს დროს ასეთი დღე არ იყო, ნუ დავიბოღმებით 🙂

გოგოებსაც მოვუწოდებ, ნუ გაუტეხავთ ბიჭებს, ერთი კოცნა რა არის? უარით ნუ გაისტუმრებთ ^_^

ისედაც უკვე ბევრმა იცის, მაგრამ ლუზერებისთვის მაინც ჩამოვწერ კოცნის რამდენიმე სასარგებლო თვისებას:
Continue reading

დამაჯარიმეს

ერთ მშვენიერ საღამოს, როცა ჭიკჭიკისგან დაღლილი ჩიტები ბუდისკენ მისავათებულები მიფრინავდნენ, როცა ცხრათითა ჯოს თავისი მსხვერპლის გვამი დამარხულიც არ ჰქონდა (ბოლომდე), როცა მთვარე ნახშირის უთოთი პერანგს იუთავებდა სამსახურში გასასვლელად და როცა მზეს თავისი ცვლა ახლახანს დამთავრებოდა – სახლიდან თავქუდმოგლეჯილი გავვარდი, რეპეტიციაზე მაგვიანდებოდა.

თბილისის ავტობუსი

ავტობუსი

Continue reading

სააკაშვილი გადადგა!

როგორც ყოველთვის, ოპოზიციის აქტიურმა,  სწორად დაგეგმილმა და ორგანიზებულმა ქმედებებმა, რადიკალურმა ნაბიჯებმა, ნეოქარიზმატულმა ლიდერებმა და მათმა რაციონალურად დაღვრილმა ოფლმა შედეგი გამოიღო – სააკაშვილი გადადგა!

ეეეჰ… თქვენს პატრონს უბედურს…

ოპოზიციის ადგილას რომ ვიყო, სახელ-გვარს შევიცვლიდი და  ზიმბაბვეში გადავიხვეწებოდი, ღლიად!